قصيدة عامر بن نوطان في يبرين

يالله يا منشي حقـوق المخايـل
يا ولـي مـا ترجيـت غيـره
يا مغيث القاع عقـب المحايـل
بالحيا تضفي على كـل ديـره
منه تمشي الاوديـه والمعايـل
ومن هل الديرة يجينـا بشيـره
دار من تنطـح شباكـل عايـل
دار منجيـن الجـواد العثيـره
يوم جر الشيـخ كـل القبايـل
صوب أهل يبرين واصل مسيره
ويم جا بالحضر والبدو صايـل
ما ارتهقنا يـوم جانـاiنذيـره
غايـر يبغـي كبـار الشمايـل
بيتخيـر كـل ملحًـا ظهيـره
همل البيرق وخـلا الاصايـل
عقب ما قاقت عليـه الجزيـره
دبرت خيلـه وشـد الرحايـل
والرجال من الطمـع مستخيـره
من إشريق إلين جـات القوايـل
واشهب البارود مثـل السعيـره
في نهـار بـد الايـام هايـل
أظلمت شمسه وهي في سفيـره
كل من هـو بالفراعـه مفايـل
ضاعت أفكاره وكل البصيـره
جات حـزة صادقيـن الفعايـل
بالجنابـي والسيـوف الشقيـره
انتخـوا بمصقـلات السلايـل
عقب ما نجحت بقايـا iiالذخيـرة
ما رضوا بالذل لو هـم iiقلايـل
قالـوا الذلـة علينـا كبـيـره
دون ستـر بيوتهـم والعوايـل
فعلهـم تعتـز فيـه iiالعشيـره
كله لعينـا صخـاف الشوايـل
والضعيف اللي ذراعه iiقصيـره
كل مضيـوم عيونـه iiتخايـل
واقف ينثـر دمـوع iiغزيـره
خلوا الجبـة بهـا الـدم iiسايـل
من رجاجايـل وخيـل iiعقيـره
كـل شغمـوم ويابـس iiبلايـل
بان فعله فـي وجـه iiالمغيـره
عقب ما راحت عليهـم سحايـل
كنهـم صيـد تقـاف iiذويـره
زعردوا بالوصت سمر iiالجدايل
عقب ما راحت عليهـم iiكسيـره